397. RUGENDO RWAKWA RWA MATHINA

 RUGENDO RWAKWA RWA MATHINA

 1.

 Rugendo rwakwa rwa mathina
 Riria ndi rugendo-ini rwakwa
 Njuthiriirio ni maitho maingi
 Maria ndigite bururi uyu.
 
 2.

 Matukagia mothiu manyona
 Na makanduagira ciira
 Ni gukoruo ni ndatigire
 Guthiaga thiritu nao.
 
 3.

 Ndigukuhoya nduure thi-ino
 Kana nguhoe undute thi-ino
 Indi maroho ma aria atheru
 Ni ndamaiga guoko-ini gwaku.
 
 4.

 Indo ciothe ciakwa no ciaku
 Na indo ciaku ciothe no ciakwa
 Nigukoruo ndoimire gwaku
 Na gucoka ngacoka gwaku.
 
 5.

 Andu ni mahingiiruo njira
 Ona matingirekwo mone
 Mategetwo na ikiro nyingi
 Na kwaririo na ikiro nyingi.
 
 6.

 Amwe mahingiiruo na utonga
 Na angi mahingiiruo na thina
 Na aria macuthiriirie njira
 Makahingiruo ni uria muru.
 
 7.

 Na tondu mathina ni maingi
 Maria maigitwo mbere yakwa
 Riu Baba ni ndaiga
 Aria atheru guoko-ini gwaku.
 
 8.

 Nikio ndakuhoya umiriru
 Umaheage rugendo-ini
 Tondu matuuraga na thina
 Macuthiriirio ni thu nyingi.
 
 9.

 Ndakuhoya umatongoragie
 Na umahumbe na riri waku
 Na wendani na utheru waku
 Nicio nguo cia uhiki waku.
 
 10.

 Matongorie na hinya waku
 Mariithagie na ugi waku
 Ni woigire ndukamatiga
 Mahana ciana cia ngoriai
 
 11.

 Ici ciothe ndaciiga o gwaku
 Na wahingiria macio mothe
 Ndakinya iguru ni ngakena
 Njuthiriirio ni maitho maingi.

 (Amina)